TedxSanaa ទំនងជាកន្លែងធ្វើចំណាត់ការវិជ្ជមានតែមួយគត់ នៅយែមែននារយៈពេលចុងក្រោយនេះ។ ដូចនេះហើយបានជា ពលរដ្ឋយែមែនជាច្រើនរង់ចាំដោយក្តីអន្ទះអន្ទែងនូវការចាប់ផ្តើម ជុំថ្មីនៃការជជែកគួរឱ្យចាប់ចិត្ត នៅ TedxSanaa 2013 ឱ្យប្រព្រឹត្តឡើង ដើម្បី បង្វែរចំណាប់អារម្មណ៍របស់ខ្លួនពីរាល់បញ្ហានយោបាយ និងភាពវឹកវរដែលកំពុងយាយីប្រទេសយេម៉ែន។ មូលបទរបស់ខែមេសា គឺ “ក្តីសង្ឃឹមគួរឱ្យចាប់ចិត្ត” រីឯមូលបទថ្មីគឺ “ចំណាត់ការ ជាការសំខាន់”។
វីដេអូផ្សាយបង្ហាញត្រូវបានផ្សាយលើប៉ុស្តិ៍ យូធ្យូប របស់TEDxSanaa កាលពី២ខែមុនម៉្លេះ ដើម្បីអញ្ជើញមនុស្សឱ្យរួមចំណែក និងចូលរួមសហគមន៍ TedxSanaa ៖
ព្រឹត្តិការណ៍នឹងចាប់ផ្តើមនៅថ្ងៃនេះ ទី១៣ ខែវិចិ្ឆកា ហើយនឹងមានពិធីករយេម៉ែនវ័យក្មេង ដ៏ចំណាន២រូបគឺ សារ៉ា អាល់ ហ្សារ៉ាគី (Sarah Al Zawraqi) និង អូសាម៉ា អាប់ឌុលឡា (Osamah Abdullah)។ ការរួមចំណែកពីស្រ្តីមាន ទ្រង់ទ្រាយធំជាងមុនបន្តិច ក្នុងចំណោមវាគ្មិនខែវិច្ឆិកានេះ។ ក្នុងចំណោមវាគ្មិនគួរឱ្យចាប់ចិត្ត ១៧រូប គឺមាន៦រូបជាស្ត្រី ចំណែកឯខែមករាវិញមានស្ត្រីតែ៤រូប ក្នុងចំណោម១៩រូប។ ក្រៅពី ធុរជន និងសហគ្រិន ការជ្រើសរើសវាគ្មិនមានភាពសំបូរបែបដោយរាប់តាំងពី គ្រូបង្រៀន និងគ្រូបហ្វឹកហ្វឺនភាសាអង់គ្លេស អ្នកបង្កើតកម្មវិធីប្រព័ន្ធផ្សព្វផ្សាយ ពិធីករកម្មវិធី អ្នកថតរូបតាម ទីសាធារណៈ អ្នកដឹកនាំរឿង អ្នកពិគ្រោះគោលនយោបាយសាធារណៈ ទន្តពេទ្យ អ្នកសារព័ត៌មាន/សរសេរប្លុក និងអ្នកធ្វើម៉ូតនំ។ ឈ្មោះរបស់វាគ្មិន និងរូបថតពួកគាត់នឹងមានផ្សាយលើ ធ្វីតទ័រដោយមានជីវប្រវត្តិខ្លីៗ សម្រាប់មួយរូបៗ លើ ហ្វេសប៊ុក។
ព្រឹត្តិការណ៍នឹងត្រូវបានផ្សាយតាមរលកធាតុអាកាសជាការបញ្ចាំងផ្ទាល់ តាមរយៈតណភ្ជាប់នេះ ហើយការជជែក នឹងត្រូវបានផ្សាយផ្ទាល់តាម តំណនេះ ហើយការនិយាយនោះនឹងត្រូវបានបង្ហោះឆាប់នៅលើប៉ុស្តិ៍ យូធ្យូប របស់ TedxSanaa ។